Малебен падзякі за атрыманыя ад Бога дабрадзействы

Уладару нябесны, Пацяшыцелю, Духу праўды, Ты ўсюды прысутны і ўсё напаўняеш, Скарбніца дабра і жыцьця Падаўча, прыйдзі і пасяліся ў нас, і ачысьці нас ад усяго благога, і збаў, Добры, душы нашы.

Слава Айцу, і Сыну, і Сьвятому Духу, цяпер і заўсёды, і на вякі вякоў. Амін.

Усесьвятая Тройца, зжалься над намі: Госпадзе, ачысьці грахі нашы; Уладару, даруй бясчынствы нашы; Сьвяты, наведай і аздараві немачы нашы дзеля Твайго імя.

Слава Айцу, і Сыну, і Сьвятому Духу, цяпер і заўсёды, і на вякі вякоў. Амін.

Ойча наш, каторы ёсьць у небе, сьвяціся імя Тваё, прыйдзі валадарства Тваё, будзь воля Твая як у небе, так і на зямлі. Хлеба нашага штодзённага дай нам сёньня, і адпусьці нам грахі нашы, як і мы адпускаем вінаватым нашым; і ня ўводзь нас у спакусу, але збаў нас ад злога.

Слава Айцу, і Сыну, і Сьвятому Духу, цяпер і заўсёды, і на вякі вякоў. Амін.

Прыйдзіце, паклонімся Уладару нашаму Богу.

Прыйдзіце, паклонімся і прыпадзем да Хрыста, Уладара нашага і Бога.

Прыйдзіце, паклонімся і прыпадзем да самога Хрыста, Уладара і Бога нашага.

Псалом 117

Дзякуйцe Гoспаду, бo Ён дoбры, бo мiласэрнасьць Ягoная вeчная.

Xай кажа дoм Iзраiля: "Мiласэрнасьць Ягoная вeчная".

Xай кажа дoм Аарoна: "Мiласэрнасьць Ягoная вeчная".

Xай скажуць усe, штo баяцца Гoспада: "Мiласэрнасьць Ягoная вeчная".

У бядзe я клiкаў Гoспада, i Гoспад пачуў мянe i вывeў мянe на вoлю.

Гoспад са мнoю, i я нe баюся: штo мoжа ўчынiць мнe чалавeк?

Гoспад са мнoю, Ён - мая дапамoга: убачу спалoxаныx вoрагаў маix.

Лeпш спадзявацца на Гoспада, чым ускладяаць надзeю на чалавeка.

Лeпш спадзявацца на Гoспада, чым пакладацца на князёў.

Атачылi мянe нарoды, i я iмeм Гаспoднiм супрацiвiўся iм.

Абступiлi мянe з усix бакoў, i я iмeм Гаспoднiм пeрамoг ix.

Абступiлi мянe, быццам пчoлы мёд, i разгарэлiся, як агoнь у цeрнi, - i iмeм Гаспoднiм я ix пeрамoг.

Ударылi мянe, пixнулi, каб я ўпаў, алe Гoспад падтрымаў мянe.

Гoспад - мая сiла i пeсьня, Ён стаўся маiм Збавiцeлeм.

Вoклiкi радасьцi i збаўлeньня ў дамox правeдныx: правая рука Гаспoдняя паказала мoц сваю.

Правая рука Гаспoдняя ўзьняла мянe, правая рука Гаспoдняя явiла магутнасьць.

Нe памру, алe буду жыць i абвяшчаць дзei Гаспoднiя.

Цяжка пакараў мянe Гoспад, алe на сьмeрць нe аддаў.

Адчынiцe мнe браму справядлiвасьцi, каб мнe ўвайсьцi i аддаць падзяку Гoспаду.

Вoсь брама Гаспoдняя, праз якую ўвoйдуць правeднiкi.

Буду дзякаваць Табe, Гoспадзe, штo Ты пачуў мянe i стаўся маiм Збавiцeлeм.

Камeнь, адкiнуты будаўнiкамi, стаўся вуглавым камeнeм:

Ад Гoспада гэта, i дзiўнаe ў вачox нашыx.

Вoсь дзeнь, штo Гoспад стварыў, дзeнь радасьцi i вeсялoсьцi для ўсix нас.

Гoспадзe, збаў, мoлiм Цябe; Гoспадзe, пасьпяшы на ратунак, прoсiм Цябe!

Блаславёны Тoй, xтo прыxoдзiць у iмя Гаспoдняe!

Бласлаўляeм вас з дoму Гаспoдняга.

Гoспад - Бoг, i Ён зьявiўся нам.

Учынiцe карагoд з галiнкамi аж да рагoў аxвярнiка.

Ты Бoг мoй, i я дзякую Табe: Бoжа мoй, Цябe буду ўзьвялiчваць.

Дзякуйцe Гoспаду, бo Ён дoбры, бo вeчная мiласэрнасьць Ягo.

Слава... цяпер...

– За супакой на ўсім сьвеце, добры стан сьвятых Божых цэркваў і зьяднаньне ўсіх Госпаду памолімся.

– За гэтую сьвятую царкву і тых, што з вераю, пашанаю і страхам Божым уваходзяць у яе, Госпаду памолімся.

– За Богам сьцеражоную краіну нашу Беларусь і ўвесь беларускі народ, за стойкасьць у веры, мужнасьць у выпрабаваньнях і вернасьць свайму народу ўсіх нас Госпаду памолімся.

– За гэты горад (гэтую вёску), за ўсе гарады і краіны і за верных людзей, што жывуць у іх, Госпаду памолімся.

– Каб Госпад міласьціва прыняў гэтыя падзякі і малітвы ад нас, нягодных слугаў сваіх, на свой нябесны ахвярнік, і ў добрасардэчнасьці сваёй зьмілаваўся над намі, памолімся.

– Каб Госпад не пагардзіў падзякаю, якую мы, нягодныя слугі Ягоныя, з пакорным сэрцам прыносім за ўсе дабрадзействы, якімі Ён нас абдарыў; але каб яна была Яму прыемнай як духмянае кадзіла і цэлапаленьне, памолімся.

– Каб Госпад адагнаў ад нас усякія грэшныя пажаданьні і дрэнныя звычкі, што губяць душу, і ўклаў у сэрцы нашыя свой Боскі страх дзеля спаўненьня запаветаў Ягоных, памолімся.

– Каб Госпад пачуў голас маленьняў нас, верных і пакорных слугаў сваіх, даў споўніцца нашым добрым намерам і жаданьням, і заўсёды дабро чыніў нам і Царкве сваёй сьвятой, і даў спаўненьне нашых просьбаў, памолімся.

– Каб Госпад выбавіў Царкву сьвятую і ўсіх нас ад усякіх бедаў, гневу і недастатку, і ад усіх ворагаў, бачных і нябачных, і захаваў нас у здароўі, супакоі, даўгалецьці пад аховаю анёлаў сваіх сьвятых, памолімся.

– Заступіся, зжалься, збаў і сьцеражы нас, Божа, ласкаю Тваёю.

– Акружылі мяне з усіх бакоў, але імем Гасподнім я супрацівіўся ім.

– Не памру, але буду жыць і абвяшчаць учынкі Госпада.

– Камень, адкінуты будаўнікамі, стаўся вуглавым каменем: ад Бога гэта і дзіўнае ў нашых вачох.

Багародзіца, памочніца хрысьціянаў, маючы Цябе сваёю заступніцай, з удзячнасьцю ўсклікаем: "Радуйся, усячыстая Багародзіца Дзева, выбаўляй нас заўсёды Тваімі малітвамі ад усякіх бедаў, адзіная надзейная Апякунка".

– Яшчэ молімся за Богам сьцеражоную краіну нашу Беларусь і ўвесь беларускі народ, за стойкасьць у веры, мужнасьць у выпрабаваньнях і вернасьць свайму народу ўсіх нас.

– Мы, нягодныя слугі Твае, прыпадаем да Тваёй спагадлівасьці, Збавіцелю Уладару і Госпадзе, дзякуем са страхам і трапятаньнем за ўсе дабрадзействы, якімі Ты нас шчодра абдарыў, і славім Цябе як Бога і пакорна просім: Вызвалі нас ад бедаў і, як заўсёды, міласьціва споўні ўсе нашыя жаданьні, горача молімся Табе, пачуй нас і зьмілуйся.

– Ты, Госпадзе, сёньня пачуў ласкава малітвы слугаў Тваіх і паказаў ім Тваю вялікую міласэрнасьць і спагадлівасьць. Не пагардзі намі і ў будучыні, але выканай усе добрыя жаданьні нашыя, і яві ўсім нам бязьмежную веліч Тваёй дабрыні, не зважаючы на нашыя правіны, молімся Табе, пачуй нас і зьмілуйся.

Слава Табе, Божа, Дабрачынца наш, на ўсе вякі!

Слава на вышынях Богу і на зямлі супакой, добрая воля сярод людзей.

Хвалім Цябе, бласлаўляем Цябе, кланяемся Табе, у песьнях славім Цябе, дзякуем Табе дзеля вялікай славы Тваёй.

Госпадзе Уладару Нябесны, Божа Ойча ўсемагутны; Госпадзе Сыне адзінародны, Ісусе Хрысьце, і Сьвяты Духу.

Госпадзе Божа, Ягнё Божае, Сыне Айца, што ўзяў на сябе грахі сьвету, зьмілуйся над намі; Ты, што ўзяў на сябе грахі сьвету, прымі малітву нашу; што сядзіш па правай руцэ Айца, зьмілуйся над намі. Бо толькі Ты адзін сьвяты, Ты адзін Госпад, Ісус Хрыстос, на славу Бога Айца. Амін.

Буду штодня бласлаўляць Цябе і хваліць імя Тваё давеку і на век вякоў.

Дай, Госпадзе, у гэты дзень захавацца нам без граху. Блаславёны Ты, Госпадзе, Божа айцоў нашых, і імя Тваё ўсяхвальнае і праслаўленае давеку. Амін.

Хай міласэрнасьць Твая, Госпадзе, спачыне на нас, бо мы ўсклалі надзею на Цябе.

Госпадзе, Ты быў нам прыстанішчам з роду ў род. Я сказаў: Госпадзе, зьмілуйся нада мною, аздараві душу маю, бо я перад Табою зграшыў.

Госпадзе, да Цябе прыходжу, навучы мяне чыніць волю Тваю, бо Ты Бог мой: у Табе крыніца жыцьця і ў зьзяньні Тваім убачым сьвятло. Міласэрнасьць Твая хай будзе заўжды з тымі, што пазналі Цябе.

Цябе, Бога, хвалім, Цябе, Госпада, вызнаем, Цябе, спрадвечнага Айца, уся зямля ўзьвялічвае.

Табе ўсе анёлы, Табе нябёсы і ўсе сілы, Табе хэрувімы і сэрафімы несьціханымі галасамі ўсклікаюць: Сьвяты, сьвяты, сьвяты Госпад Бог Сілаў, неба і зямля поўныя хвалы Тваёй!

Цябе слаўны апостальскі збор, Цябе хор пачэсных прарокаў, Цябе сьветлая мучанікаў грамада хваліць.

Цябе па ўсім сьвеце прапаведуе Сьвятая Царква – Айца недасяжнае велічы; роўнага славаю Твайго адзінароднага праўдзівага Сына, і сьвятога Пацяшыцеля Духа.

Ты, Хрысьце – Уладар славы, Ты – Айца спрадвечны Сын; Ты дзеля збаўленьня сьвету стаўся чалавекам, не пагардзіўшы дзявочым улоньнем.

Ты скрышыў джала сьмерці і адчыніў верным валадарства нябеснае.

Ты сядзіш па правай руцэ Бога ў славе Айца, і прыйдзеш зноў як судзьдзя.

Просім Цябе, дапамажы слугам Тваім, якіх Ты выкупіў сваёй пачэснай крывёю, і зрабі іх дастойнымі разам са сьвятымі Тваімі валадарыць у вечнай славе Тваёй.

Збаў людзей Тваіх, Госпадзе, і блаславі набытак Твой, кіруй імі і ўзьнімі іх на вякі.

Будзем штодня бласлаўляць Цябе і хваліць імя Тваё давеку і на век вякоў.

Дай, Госпаде, у гэты дзень захавацца нам без граху.

Зьмілуйся над намі, Госпадзе, зьмілуйся над намі.

Хай міласэрнасьць Твая спачыне на нас, бо мы ўсклалі надзею на Цябе.

На Цябе, Госпадзе, спадзяемся: хай не пасаромеемся давеку. Амін.

Госпадзе, зьмілуйся; Госпадзе, зьмілуйся; Госпадзе, змілуйся.

Ойча, блаславі.