Малебен на Новы Год - 1 Студзеня

Уладару нябесны, Пацяшыцелю, Духу праўды, Ты ўсюды прысутны і ўсё напаўняеш, Скарбніца дабра і жыцьця Падаўча, прыйдзі і пасяліся ў нас, і ачысьці нас ад усяго благога, і збаў, Добры, душы нашы.

Усесьвятая Тройца, зжалься над намі: Госпадзе, ачысьці грахі нашы; Уладару, даруй бясчынствы нашы; Сьвяты, наведай і аздараві немачы нашы дзеля Твайго імя.

Слава Айцу, і Сыну, і Сьвятому Духу, цяпер і заўсёды, і на вякі вякоў. Амін.

Ойча наш, каторы ёсьць у небе, сьвяціся імя Тваё, прыйдзі валадарства Тваё, будзь воля Твая як у небе, так і на зямлі. Хлеба нашага штодзённага дай нам сёньня, і адпусьці нам грахі нашы, як і мы адпускаем вінаватым нашым; і ня ўводзь нас у спакусу, але збаў нас ад злога.

Прыйдзіце, паклонімся Уладару нашаму Богу.

Прыйдзіце, паклонімся і прыпадзем да Хрыста, Уладара нашага і Бога.

Прыйдзіце, паклонімся і прыпадзем да самога Хрыста, Уладара і Бога нашага.

Псалом 64

Табe, Бoжа, налeжыць xвала на Сыёнe; Табe спoўняцца абяцаньнi ў Eрусалiмe.

Да Цябe, штo выслуxoўваeш малiтву, прыxoдзiць кoжны сьмярoтны .

Бeззакoнныя ўчынкi прыгнятаюць нас: Ты ж ачысьцi правiны нашыя.

Шчасьлiвы тoй, кагo Ты выбраў i прыгарнуў: ён будзe жыць у xoрамаx Тваix.

O, каб нам насыцiцца дабрoтамi дoму Твайгo, сьвятасьцю сьвятынi Тваёй!

У справядлiвасьцi Тваёй выслуxай нас, Бoжа, Збавiцeлю наш, дзiвoсны ў цудаx Тваix, надзeя ўсix канцoў зямлi i тыx, штo далёка на мoры.

Ты ўмацoўваeш гoры сiлаю Тваёю, Ты падпeразаны магутнасьцю.

Ты суцiшаeш бурную глыбiню марскую, шум xваляў i бунт нарoдаў!

З-за цудаў Тваix устрывoжацца тыя, штo жывуць на мeжаx зямлi.

Надыxoд ранiцы i вeчара Ты ўпрыгoжваeш.

Ты навeдваeш зямлю i навадняeш яe, узбагачаeш яe бязьмeрна.

Струмeнь Бoжы пoўны вады. Ты рыxтуeш xлeб, бo так Ты ўладкаваў зямлю.

Ты навадняeш eйныя барoзны, выраўнoўваeш eйныя скiбы, разьмягчаeш яe крoплямi дажджу, i бласлаўляeш eйныя плады .

Вянчаeш гoд ласкаю Тваёю, i сьляды Тваe аплываюць сытoю.

Пашы пoўняцца расoю, узгoркi падпярэзваюцца радасьцю.

Лугi адзяюцца ў чарoды (авeчак), i далiны пакрываюцца пшанiцаю.

Усё радасна ўсклiкаe i пяe.

Слава... цяпер...

– За супакой на ўсім сьвеце, добры стан сьвятых Божых цэркваў і зьяднаньне ўсіх Госпаду памолімся.

– За гэтую сьвятую царкву і тых, што з вераю, пашанаю і страхам Божым уваходзяць у яе, Госпаду памолімся.

– За Богам сьцеражоную краіну нашу Беларусь і ўвесь беларускі народ, за стойкасьць у веры, мужнасьць у выпрабаваньнях і вернасьць свайму народу ўсіх нас Госпаду памолімся.

– За гэты горад (гэтую вёску), за ўсе гарады і краіны і за верных людзей, што жывуць у іх, Госпаду памолімся.

– Каб Госпад міласьціва прыняў гэтыя падзякі і малітвы ад нас, недастойных слугаў сваіх, на свой нябесны ахвярнік, і ў добрасардэчнасьці сваёй зьмілаваўся над намі, памолімся.

– Каб нашыя малітвы былі прыемнымі Госпаду, і каб Ён прабачыў нам і ўсім людзям правіны, вольныя і міжвольныя, якія мы ўчынілі ў мінулым годзе, памолімся.

– Каб Госпад, ласкаю свайго чалавекалюбства, блаславіў пачатак і ўвесь круг гэтага году, і дараваў нам часы спакойныя, здаровае паветра, бязгрэшнае і карыснае жыцьцё, памолімся.

– Каб Госпад адвярнуў ад нас свой праведны гнеў за грахі нашыя, памолімся.

– Каб Госпад адагнаў ад нас усякія грэшныя пажаданьні і дрэнныя звычкі, што губяць душу, і ўклаў у сэрцы нашыя свой Боскі страх дзеля спаўненьня запаветаў Ягоных, памолімся.

– Каб Госпад абнавіў у нутрох нашых дух праведны, ўмацаваў нас у праўдзівай веры, і зрабіў нас хуткімі і ахвотнымі да выконваньня добрых учынкаў і захаваньня ўсіх Ягоных прыказаньняў, памолімся.

– Каб Госпад адвярнуў усіх ад маны, прывёў да праўдзівай веры і зьяднаў у сваёй Сьвятой Царкве, памолімся.

– Каб Госпад выбавіў Царкву Сьвятую і ўсіх нас ад усякіх бедаў, суму, гневу і недастатку, і ад усіх ворагаў, бачных і нябачных, і захаваў нас у здароўі, супакоі, даўгалецьці пад аховаю анёлаў сваіх сьвятых, памолімся.

– Заступіся, зжалься, збаў і сьцеражы нас, Божа, ласкаю Тваёю.

– Акружылі мяне з усіх бакоў, але імем Гасподнім я супрацівіўся ім.

– Не памру, але буду жыць і абвяшчаць учынкі Госпада.

– Камень, адкінуты будаўнікамі, стаўся вуглавым каменем: ад Бога гэта і дзіўнае ў нашых вачох.

– Яшчэ молімся за Богам сьцеражоную краіну нашу Беларусь і ўвесь беларускі народ, за стойкасьць у веры, мужнасьць у выпрабаваньнях і вернасьць свайму народу ўсіх нас.

– Мы, нягодныя слугі Твае, прыходзім да Тваёй спагадлівасьці, Збавіцелю, Уладару і Госпадзе, і дзякуем са страхам і трапятаньнем за ўсе дабрадзействы, якімі Ты нас шчодра абдарыў; і, прыпаўшы, славім Цябе як Бога і пакорна просім: Вызвалі нас ад бедаў і, як заўсёды, міласьціва споўні ўсе нашыя жаданьні, горача молімся Табе, пачуй нас і зьмілуйся.

– Блаславі, Госпадзе, круг новага году ў дабрыні Тваёй, суцішы ў нас усякую варожасьць, непаладкі і сваркі; дай супакой, моцную і шчырую любоў, парадак ва ўсім і дабрадзейнае жыцьцё, молімся Табе, пачуй нас і зьмілуйся.

– Не прыгадай мноства беззаконьняў нашых і паганых учынкаў, якія мы ў мінулым годзе зрабілі, і ня дай нам паводле нашых заслугаў, але ў міласэрнасьці і дабрыні Тваёй успомні нас, молімся Табе, міласэрны Госпадзе, пачуй нас і зьмілуйся.

– Пашлі нам раньні і позьні дождж у свой час, расу пладаносную, вятры памяркоўныя і цеплыню сонечную, молімся, усядобры Госпадзе, пачуй нас і зьмілуйся.

– Успомні Царкву сьвятую сваю, ўмацуй і пашыр яе па ўсім сьвеце, дай ёй супакой, і захавай у бясьпецы на ўсе вякі, усемагутны Уладару, пачуй нас і зьмілуйся.

– І каб нам выбавіцца ў гэтым годзе і праз усё дні жыцьця нашага ад голаду, пошасьці, землятрусу, патопу, агню, мяча, нападу ворагаў і братабойчай вайны, і ад усякага суму і бяды, молімся Табе, міласэрны Госпадзе, пачуй нас і зьмілуйся.

Слава Табе, Божа, Дабрачынца наш, на вякі вякоў.

Слава на вышынях Богу і на зямлі супакой, добрая воля сярод людзей.

Хвалім Цябе, бласлаўляем Цябе, кланяемся Табе, у песьнях славім Цябе, дзякуем Табе дзеля вялікай славы Тваёй.

Госпадзе Уладару Нябесны, Божа Ойча ўсемагутны; Госпадзе Сыне адзінародны, Ісусе Хрысьце, і Сьвяты Духу.

Госпадзе Божа, Ягнё Божае, Сыне Айца, што ўзяў на сябе грахі сьвету, зьмілуйся над намі; Ты, што ўзяў на сябе грахі сьвету, прымі малітву нашу; што сядзіш па правай руцэ Айца, зьмілуйся над намі. Бо толькі Ты адзін сьвяты, Ты адзін Госпад, Ісус Хрыстос, на славу Бога Айца. Амін.

Буду штодня бласлаўляць Цябе і хваліць імя Тваё давеку і на век вякоў.

Дай, Госпадзе, у гэты дзень захавацца нам без граху. Блаславёны Ты, Госпадзе, Божа айцоў нашых, і імя Тваё ўсяхвальнае і праслаўленае давеку. Амін.

Хай міласэрнасьць Твая, Госпадзе, спачыне на нас, бо мы ўсклалі надзею на Цябе.

Госпадзе, Ты быў нам прыстанішчам з роду ў род. Я сказаў: Госпадзе, зьмілуйся нада мною, аздараві душу маю, бо я перад Табою зграшыў.

Госпадзе, да Цябе прыходжу, навучы мяне чыніць волю Тваю, бо Ты Бог мой: у Табе крыніца жыцьця і ў зьзяньні Тваім убачым сьвятло. Міласэрнасьць Твая хай будзе заўжды з тымі, што пазналі Цябе.

Цябе, Бога, хвалім, Цябе, Госпада, вызнаем, Цябе, спрадвечнага Айца, уся зямля ўзьвялічвае.

Табе ўсе анёлы, Табе нябёсы і ўсе сілы, Табе хэрувімы і сэрафімы несьціханымі галасамі ўсклікаюць: Сьвяты, сьвяты, сьвяты Госпад Бог Сілаў, неба і зямля поўныя хвалы Тваёй!

Цябе слаўны апостальскі збор, Цябе хор пачэсных прарокаў, Цябе сьветлая мучанікаў грамада хваліць.

Цябе па ўсім сьвеце прапаведуе Сьвятая Царква – Айца недасяжнае велічы; роўнага славаю Твайго адзінароднага праўдзівага Сына, і сьвятога Пацяшыцеля Духа.

Ты, Хрысьце – Уладар славы, Ты – Айца спрадвечны Сын; Ты дзеля збаўленьня сьвету стаўся чалавекам, не пагардзіўшы дзявочым улоньнем.

Ты скрышыў джала сьмерці і адчыніў верным валадарства нябеснае.

Ты сядзіш па правай руцэ Бога ў славе Айца, і прыйдзеш зноў як судзьдзя.

Просім Цябе, дапамажы слугам Тваім, якіх Ты выкупіў сваёй пачэснай крывёю, і зрабі іх дастойнымі разам са сьвятымі Тваімі валадарыць у вечнай славе Тваёй.

Збаў людзей Тваіх, Госпадзе, і блаславі набытак Твой, кіруй імі і ўзьнімі іх на вякі.

Будзем штодня бласлаўляць Цябе і хваліць імя Тваё давеку і на век вякоў.

Дай, Госпаде, у гэты дзень захавацца нам без граху.

Зьмілуйся над намі, Госпадзе, зьмілуйся над намі.

Хай міласэрнасьць Твая спачыне на нас, бо мы ўсклалі надзею на Цябе.

На Цябе, Госпадзе, спадзяемся: хай не пасаромеемся давеку. Амін.

Госпадзе, зьмілуйся; Госпадзе, зьмілуйся; Госпадзе, змілуйся.

Ойча, блаславі.

Заснавальнікам і дабрачынцам гэтай сьвятой царквы, парафіянам, тым, што сьпяваюць, працуюць і моляцца ў ёй, і ўсім прававерным хрысціянам, дай, Госпадзе, здароўе і збаўленьне, і посьпех у кожнай добрай справе, і захавай іх на многія леты!