ІV нядзеля посту - увечары

На "Госпадзе, Цябе клічу...":

чатыры песьні актойха належнага тону, пасьля наступныя:

Песьні Трыядзі (Тон 3): Пакажам, верныя, вялікія стараньні ва ўстрыманасьці часова, каб асягнуць вечную славу і, ласкаю вялікага Бога, быць збаўленымі ад пякельнага агню.

Перайшоўшы палову посту, пакажам, верныя, пачаткі Боскага жыцьця, стараючыся дасягнуць мэты праведнікаў і атрымаць непрамінальную радасьць.

(Тон 7): Ужо мінула палова сьвятога посту; дык пасьпяшым радасна да Таго, хто чакае нас, памазаўшы душы аліваю дабрадзейнасьцяў, каб нам удастоіцца бачыць Боскія мукі Хрыста Бога нашага, і дасягнуць слаўнага і сьвятога ўваскрасеньня.

Вершапесьні

(Тон 7): Блізка ўжо Госпад, які насадзіў вінаграднік і паклікаў работнікаў. Прыйдзеце, працаўнікі посту, атрымаць узнагароду, бо гаспадар багаты і міласэрны: нават калі мы і мала працавалі, атрымаем душэўную міласьць.

(Тон 6): Адам паддаўся разбойніцкай задуме і спакусіўся розумам, скалечыў душу і, голы, ляжаў, ня маючы заступніка. Сьвятар старазаконны не пачуў яго, і лявіт на яго ня глянуў, толькі Ты, Божа, які не прыйшоў з Самарыі, але нарадзіўся ад Багародзіцы. Госпадзе, слава Табе.

(Тон 8): Мучанікі Гасподнія, вы асьвячаеце кожнае месца, і лечыце ўсе немачы. Маліцеся цяпер, просім вас, каб нашым душам вызваліцца ад сеці ворага.

Слава ... Цяпер ...

(Тон 8): Нябесныя сілы пяюць хвалу Табе, поўная ласкі Дзева Маці, і мы таксама славім нязьведанае Тваё сынараджэньне. Маліся, Багародзіца, за збаўленьне душаў нашых.