ἄγγελος (грэцк.)
Беларускія варыянты:
анёл (Надсан, Сёмуха, Чарняўскі, Араповіч);
анел (Татарыновіч, архіеп. Мікалай, Гадлеўскі);
ангел (Луцкевіч, Міцкевіч, Бібл.Кам.БПЦ);
ангіл (Я.Станкевіч)
У суседзяў:
ангел (рус.) - янгол, ангел (укр.) - aniol (пол.)
Паходжаньне: ад грэцкага: пасланьнік, вястун
Тлумачэньне: Нябесная істота, добры (ці злы) бесьцялесны дух, які перадае вышэйшую волю ці выконвае іншыя вышэйшыя наказы. У хрысьціянскай і габрэйскай традыцыі прыймаюць выгляд (часткова) падобны да чалавека. Імёны іхнія часьцей за ўсё пазначаюць іхнія функцыі, выгляд ці набліжэньне да Бога. Да анёлаў належаць Сэрафімы, Хэрувімы, анёлы, арханёлы. Усяго 9 чынаў анёльскіх (паводле царкоўнага пярэданьня). Некаторыя вядомыя па імёнах, як напрыклад Гаўрыіл (які дабравесьціў Багародзіцы), Міхаіл (начальнік войскаў нябесных), Рафаіл (узгадваецца ў кнізе Тавіта) і іншыя. Таксама паводле царкоўнага пярэданьня кожны чалавек мае свайго анёла-ахоўніка. |
Галерэя
