ЛІТУРГІЯ

Сьвятога Базыля Вялікага

Трапары:

Трапар нядзельны адпаведнага тону.

Трапар Крыжа (Тон 1): Збаў, Госпадзе, людзей Тваіх і блаславі набытак Твой. Даруй супакой сьвятой Тваёй Царкве і перамогу над усімі нягодамі, і захавай верны Твой народ сілаю Твайго крыжа.

Слава ... цяпер ...

Кандак Крыжа (Тон 7): Ужо вогненны меч не сьцеражэ больш варот райскіх, бо яго патушыла дрэва крыжовае, якім джала сьмерці і перамога пекла зьнішчаныя былі, і Ты, Спасе, зьявіўся тым, што ў апраметнай, кажучы: "Хадзіце зноў у рай".

Замест "Сьвяты Божа": Крыжу Твайму пакланяемся, Уладару наш, і сьвятое ўваскрасеньне Тваё славім.

Пракімен (Пс 27:9:1): Збаў, Госпадзе, людзей Тваіх і блаславі набытак Твой.

Верш: Цябе, Госпадзе, клічу: Божа мой, не адмоўчвайся ад мяне.

Апостал: Гэб 4:14–5:6

Алілуя (Пс 73:2,12): Успомні народ Твой, які Ты ад пачатку прызначыў для сябе.

Верш: Бог – Уладар наш спрадвеку: Ён учыніў збаўленьне пасярод зямлі.

Евангельле: Мк 8:34–9:1

Задастойнік: У Табе радуецца, Поўная ласкі, усякае стварэньне – сабор анёлаў і род людскі, – асьвячаны хораме і раю духоўны, пахвала дзеваў; ад Цябе Бог прыняў цела і стаўся дзіцяткам, Бог наш спрадвечны: улоньне Тваё Ён зрабіў пасадам сваім, і нутро Тваё ўчыніў больш прасторным за неба. У Табе радуецца, Поўная ласкі, усякае стварэньне: слава Табе.

Прычасьнік (Пс 4:7): Хай зазьзяе нам сьвятло аблічча Твайго, Госпадзе. Алілуя, алілуя, алілуя.