Сьвятар: Блаславёны Бог наш на ўсе часы, цяпер, і заўсёды, і на вякі вякоў.

Людзі: Амін

Сьвяты Божа, Сьвяты Моцны, Сьвяты Несьмяротны, зжалься над намі. (Тройчы)

Слава Айцу, і Сыну, і Сьвятому Духу, цяпер, і заўсёды, і на вякі вякоў. Амін.

Усесьвятая Тройца, зжалься над намі: Госпадзе, ачысьці грахі нашы; Уладару, даруй беззаконьні нашы; Сьвяты, наведай і ацалі немачы нашы дзеля Твайго імя. Госпадзе, зьмілуйся. (Тройчы)

Слава Айцу, і Сыну, і Сьвятому Духу, цяпер, і заўсёды, і на вякі вякоў. Амін.

Ойча наш, каторы ёсьць у небе, сьвяціся імя Тваё, прыйдзі валадарства Тваё, будзь воля Твая як у небе, так і на зямлі. Хлеба нашага штодзённага дай нам сёньня, і адпусьці нам грахі нашы, як і мы адпускаем вінаватым нашым; і ня ўводзь нас у спакусу, але збаў нас ад злога.

Сьвятар: Бо Тваё валадарства, і сіла, і слава, Айца, і Сына, і Сьвятога Духа, цяпер, і заўсёды, і на вякі вякоў.

Людзі: Амін

Сьвятар: Госпаду памолімся.

Людзі: Госпадзе, зьмілуйся.

Сьвятар: Творца і Дойлідзе роду людзкога, Ты даеш ласку духоўную і вечнае збаўленьне даруеш; зышлі, Госпадзе, Духа свайго Сьвятога з горным блаславеньнем на гэты твор, каб ён, умацаваны сілаю нябеснае апекі, быў для тых, што маюць яго ўжываць, прыладаю цялеснага збаўленьня, і абароны, і дапамогі, праз Хрыста Ісуса Госпада нашага. Амін.

Тады сьвятар акрапляе рэч асьвячанай вадою, кажучы:

Бласлаўляецца і асьвячаецца гэтая рэч ласкаю Усесьвятога Духа і акрапленьнем гэтаю святою вадою у імя Айца, і Сына, і Сьвятога Духа. Амін.