На "Госпадзе, Цябе клічу...":
(Тон 5). Прыбіты цьвікамі да дрэва, Ты зьнішчыў
дрэва праклён; пакладзены ў магілу, Ты ўваскрасіў Боскаю сілаю Тваёю памёрлых
адвеку. Славім сілу Тваю, Ісусе ўсемагутны, Божая Пасха, Жыцьцё наша, Зьзяньне
Айца. Нябесныя і зямныя стварэньні радуюцца і пяюць песьню хвалы Табе,
Пераможнае Слова, Хрысьце ўсемагутны, які даеш сьвету веліч зьмілаваньня Твайго.
"Ці Жыцьцё ўсё яшчэ спачывае сярод мёртвых, і незаходнае
Сонца яшчэ пад зямлёю? – Міраносіцы з плачам пыталіся. – Пойдзем хутка да магілы
Сьвятога!" Убачыўшы ўнутры яе сьветлага анёла, яны сумеліся, але ён перамяніў
іхні плач на радасьць, усклікнуўшы: "Жыцьцядаўца ўваскрос, дык не палохайцеся і
ня плачце, бо Ён – Уладар, які дае сьвету багацьце свайго зьмілаваньня".
Жанчыны прыйшлі да ўзыходу сонца шукаць існае Сонца, што
зышло ў магілу; але сьветлы анёл абвясьціў ім: "Сьвятло зазьзяла тым, што ў
цемры; дык ідзіце і абвясьціце гэта сьветлым вучням, і перамяніце іхні сум на
радасьць. З упэўненасьцю ў сэрцах слаўце Пасху радасную і збавенную, усклікаючы:
"Хрыстос уваскрос, даючы сьвету багацьце свайго зьмілаваньня!"
Тры песьні з мінеі.
Слава... цяпер...
(Тон 1). "Жанчыны міраносіцы, нашто вы прыйшлі да
магілы? чаму шукаеце Жывога сярод мёртвых? Усьцешцеся, бо Госпад уваскрос" –
анёл усклікнуў.
Вершапесьні
(Тон 2). Прыйдзіце, паклонімся Божаму Слову,
народжанаму спрадвеку ад Айца, і ад Дзевы цела прыняўшаму. Ён, пацярпеўшы на
крыжы і аддаўшы сябе на пахаваньне, як захацеў, уваскрос з мёртвых і збавіў
мяне, заблуднага чалавека.
Зграшыў я перад Табою, Хрысьце Спасе, як блудны сын. Але Ты,
Ойча, прымі мяне, які каюся, і зьмілуйся нада мною, Божа!
Божыя пакутнікі, не палюбіўшы зямной уцехі, удастоіліся
нябесных дабротаў і сталіся суграмадзянамі анёлаў; малітвамі іх, Госпадзе,
зьмілуйся нада мною і збаў мяне.
Слава... цяпер...
(Тон 1). Жанчыны са страхам прыйшлі да магілы, каб
памазаць духмянымі алейкамі цела Тваё. Не знайшоўшы яго, яны ўстрыво-жыліся, бо
ня ведалі, што Ты ўваскрос. Але анёл зьявіўся ім і сказаў: "Хрыстос уваскрос,
даруючы нам веліч міласэрнасьці".
Адпушчальныя трапары.
(Тон 2). Высакародны Язэп...
Слава...: трапар сьвятога.
Цяпер...: міраносіцаў:
Анёл зьявіўся ля магілы жанчынам-міраносіцам і ўсклікнуў: "Алейкі мёртвым
патрэбныя, Хрыстос жа тленнасьці не зазнаў. Дык усклікніце: Уваскрос Хрыстос,
даючы сьвету багацьце свайго зьмілаваньня". |