ЛІТУРГІЯ
Трапары:
Трапар (тон 1):
Каб перад мукаю Тваёю ўпэўніць нас у агульным уваскрасеньні, Ты, Хрысьце Божа,
узьняў з мёртвых Лазара. Дзеля гэтага мы, як некалі дзеці, трымаем знакі
перамогі і Табе, Пераможцу сьмерці, радасна ўсклікаем: "Гасанна на вышынях,
блаславёны той, хто прыходзіць у імя Гасподняе!"
Кандак (тон 2):
Хрыстос – радасьць усіх, праўда, сьвятло, жыцьцё і ўваскрасеньне сьвету ў сваёй
дабрыні зьявіўся тым, што на зямлі і, стаўшыся вобразам уваскрасеньня, дараваў
адпушчэньне ўсім.
Замест "Сьвяты Божа...": Усе вы, што ў Хрыста
ахрысьціліся, у Хрыста апрануліся. Алілуя.
Пракімен (Пс. 26:1):
Госпад – сьвятло і збаўленьне маё: каго мне баяцца?
Верш: Госпад – абарона жыцьця майго: перад кім мне
дрыжаць?
Апостал: Гэб 12:28-13:8
Алілуя (Пс. 92:1): Госпад пануе, Ён
апрануўся ў красу; апрануўся Госпад у сілу і падперазаўся.
Верш: Ён умацаваў сусьвет, што не зварухнецца.
Евангельле: Ян 11:1-45
Задастойнік: Слаўна ўшануем, верныя, Багародзіцу,
якая агонь Боства прыняла ва ўлоньні сваім і засталася неапаленай. У несьціханых
песьнях узьвялічым Яе.
Прычасьнік: З вуснаў дзяцей і немаўлятаў Ты ўчыніў
сабе хвалу. Алілуя, алілуя, алілуя.
(Пс. 8:3) |
Галерэя
